Qui d'oïr [e] d'antandre a loisir [e] talant
Face pais, si escout bone chançon vailla[n]t
Don li livre d'estoire s[n]t tesmoi[n]g [e] gara[n]t.
Ja nuls vilai[n]s juglerres de ceste ne se vant,
Qar il n'an sauroit dire ne les vers ne le chant.
Ne s[n]t q[e] .III. matieres a nul home a[n]tanda[n]t:
De F[a]nce [e] de Bretaigne [e] de Rome la g[a]nt,
[E] de cez .III. matieres n'i a nule sambla[n]t.
Li [n]te de Bretaigne s[n]t si vai[n e] plaisant,
Cil de Rome s[n]t sage [e] de san ap[e]nant,
Cil de F[a]nce de voir chascun jor ap[r]ant.
La corone de F[a]nce doit estre mise ava[n]t,
Qar tuit autre roi doive[n]t est[e] a lui apanda[n]t
De la loi [t]iene qi an Deu s[n]t creant.
Le p[e]mier roi de F[a]nce fist Dex p[r] so[n] c[m]ma[t]
Coroner a ses ang[e]les dignema[n]t an chanta[n]t,
P[s] le [m]manda estre an t[r]re son sergent,
Tenir droite justice [e] la loi met[e] ava[n]t.
Cest [m]mandemant tindre[n]t ap[ré]s lui li auqa[n]t,
Anseys [e] Pepins, cil furent [n]querant,
[E] Charlemaigne d'Aiz, q[e] Dex p[r] ama tant.

Seignor, ceste chançons ne muet pas de fabliax
Mais de cheval[r]ie, d'amors [e] de cembiax.
Cil bastart jugleor qi vo[n]t p[r] ces vilax,
A ces grosses vieles as depe[n]nez forriax,
Chantent de Guiteclin si [m] p[r] asenax;

Mes cil qi plus an set, ses dires n'est pas biax,
Qar il ne sevent mie les riches v[r]s noviax
Ne la chançon rimee q[e] fist Jehanz Bordiax,
Tot si [m] li droiz [n]tes l'an fu diz [e] espiax
Don ancor [t] l'estoire a Sai[n]t Faron a Miax …

… Sa victoire i fist metre, esc[i]re [e] sceler
A beles letres d'or dou meillor d'outrem[r];
Ce fist il q[e] li Saisne si poïssent mirer.
Sovantes foiz avoie[n]t tela[n]t de revel[er.]

Sages fu durem[n]t K[s] l'amp[e]reor
Qant [n]qist tantes t[r]res p[r] force [e] p[r] vigor;
Dotez fu [e] cremuz j[s]q' en Inde major,
G[a]nt treü li randoient souda[n]t [e] aumaçor.
Qant ot fait de Tremoigne so[n] bon [e] so[n] millor,
[n]gié p[i]st a S[e] q'il ama p[r] amor.
Antre lui [e] ses homes se s[n]t mis au retor;
Baud[n] son neveu [e] Berart le [n]tor
A[n] fist port[r] o soi an son païs f[a]nçor;
A Aiz a la Chapele, ou s[n]t si ancessor,
Seveli Baud[n] a g[a]nt cri [e] a plor;
Tierri le viel d'Ardene, le noble poigneor,
Fist dou cors de Be[r]t .I. p[e]sant de dolor,
Covant l'ot la duchesse a la fresche color Q[e] mort ou vif randroit le cors au vavassor.
P[i]s fu bie[n] F[a]nce an pais [e] mai[n]t an [e] mai[n]t jor,
Ne t[o]va l'amp[r]es qi li feist iror.
N[t]re chançons des Saisnes fenist a icest tor,
N'en troverez q'a[n] die avant nul jugleor.