Volunters devereit home oïr1
E recunter e retenir
Les nobles faiz as aunciens
E les pruesses e les bens,
Assample prendre e reme[m]brer
Pur les francs ho[m]es amender.
Vileinies e mesprisuns:
Ceo devereit estre li sarmons
Du[n]t home les dut chastier,
K[ar] m[u]t i ad vilein mester,
Chescu[n]s s'en gart cu[m] pur sei.
L'aventure d'un riche rei
E de pluseurs autres baruns,
Du[n]t jo v[us] nomera les nu[n]s,
Assez brefment la v[u]s dirai,
L'aventure v[us] conterai:
Aveloc fu cist reis només
E Curan rest apellez,
Pur ço v[us] voil de lui cunter
E s'avent[u]re remembrer.
Un lai en firent li Bretun,
Si l'apellerent de sun non
E Aveloc e Cuarant.
De sun pere dirai avant:
Gunter ot non, si fu daneis,
La terre tint, si esteit reis
En icel tens que Archur regna;
En Denemarche mer passa … 28

… Des baruns ressut les hornages,1097
Si lur rendi lur heritages.
Aprés cel fet reis Edelsis

Ne vesqui mie ke q[ui]nze dis:
Il volt nul eir si dreiturer
Cu[m] Aveloc [e] sa muiller.
Li barun les unt ressuz,
E citez e chasteus renduz.
Aveloc tint en sa baillie
Nicole e tote Lindeseie,
Vint anz regna e si fu reis,
Asez conq[ui]st par ces Daneis.
Mut fui de lui g[ra]nt parlance.
Li ancien en remembrance
Firent un lai de sa victoire,
K'a tuz jorz meis seit en memorie.1112

En Bretaigne fu li laiz fet
Ke nus apellu[m] Nabaret.
Nabaret fu un chevaler
Pruz e curteis, hardi e fer;
Grant tere aveit en heritage,
Fe[m]me prist de m[u]t haut parage,
Noble, curteise, bele e gente.
Ele turna de tut su[n] atente:
A li vestre e aturner
E a lacié e a guimpler
Argiluse ert a demesure.
Nabaret n'ust de ce cure
Asez […] de sa manere
Tut ne p[ar]ait ele si fere.
Mut dureme[n]t s'en coruça
[E] plusurs feiz la chastia,
Devant li e priveement.
S'en coruça asez sovent,
E dit ke pas n'esteit pur lui,
Entente a vers autrui.
Sa beuté li fut suffrable

E a sun oef trop covenable.
Q[ua]nt ele vot pur li laisser
Ne le guimpler ne l'alaicer,
Ne le g[ra]nt orgoil k'ele mena,
De ses parenz plusurs manda,
La pleinte lur mustra e dit;
A sa femme parler les fit.
Parenz manda ço ke plout,
Ke durement li enviout
K'ele se demenot issi.
Oiez cu[m] ele respundi:
« Seignurs, fet ele, si v[us] plest,
Si lui peise ke jo m'envest
E ke jo m'atur noblement;
Jo ne sai autre vengement,
Ço li dites, ke jo li mand
K'il face crestre sa barbe g[ra]nt
E ses gernuns face trescher;
Issi se doit gelus venger ».
Cil ki li respunt unt oï
De la dame se su[n]t parti,
Assez s'en ristrent e gaberent,
En plusurs lius recunterent
Pur le deduit de la parole.
Cil ki de lais tindrent l'escole
De Nabarez un lai noterent,
E de sun nun le lai nomerent.

Tant me sui de dire teüs
K[e] jo me sui aparceüs,
Ki trop se test, que de trop tere
Ne put nul a g[ra]nt chatel trere.
P[ur] ce me plest en cest romanz
Ke des chevalers v[us] comanz.
Noveals moz, ou il poru[n]t prendre
Ensample e curteisie aprendre.
Si me peise q[ue] jo n'en puis
Plus bel trover q[ue] jo n'en truis.
De q[ue] d'eus dit chose serteine,
Chevalerie est la funtaine
De curteisie q[u]'[e]spuiser
Ne puit nul, tant sache prisier [sic]
De Deus vint [e] chevalers l'unt,
Ta[n]t cum en curt aval cest mu[n]d
Ben d'eus; p[ur]quei? Q[u]'[e]le [est] lur lige
Des le copel desqu'en hi tige,
Ke autre gent n'e[n] ont q[ue] l'escorce.
De curteisie estut par force … 20

… Ki teus tecches veut a sei p[re]ndre640
E proesce, s'il se [est] pris,
Dignes [est] de munter en pris,
Dignes, veire, queq[ue] nus die.
Raol a tuz les curteis prie
Q[ue] de ces pennes lur survenge
[E] que atun viaus une¹ en retenge,
Ke jo sai ben, sanz nul redut,
Tel [est] riches q[ui] n'a pas tut.
E p[ur] ce, fas a tuz saver,
Ki totes nes pora aver,
S'acune en put, ait la,
Ke bone tecche, q[ua]nt ho[m]e l'a,
Puet rendre si bon gueredon
Ke une tecche rent un p[ro]dom,
[E] en m[u]t bens li vent devant.
Mes ne ai corage ne talent
Ke plus de dire me entremette.
Lerrai jo q[ue] jo no[n] n'i mette
En ço romans? par fei jo no[n];
Le Romanz des Eles a non. Amen.660
Explicit.

Al tenz d'esté aprés Pastur [sic],1
Q[ua]nt vi parer e folle e flur,
or chanter le russinol
E la mauvis e l'oriol,
E les oiaseus [sic] de la gaudine
Orgoil mener q[ue] jur decline.
Levai me tost la matinee,
Tut nu pez en la rosee
Alai deduire vers un pré -
Mires dient q[ue] ço est santé -.

Del pré me tres vers un gardin,
G[ra]nt e enclos vert e ferin,
Esgardai les pomers floriiz
E de lur foilles reseisir
Oï ses oiseus chanter … 15

Tele racine engendre fruit,1231
Le cors e l'alme enfin destruit,
K[ar] a l'alme tut sa bunté,
Al cheitive cres vie e santé.
Par ceus e par altres assez
Bels ensamples oï avez¹
Chastiez v[us] de tele folie;
Si fait l'avez, nel fetes mie:
N'est a blamer home q[ue] mesprent
Mes [est] il que unkes se repent;
De Deu servir soit n[ost]re cure
K[ar] ceste vie nus [est] trop dure.
Ore [est] escrit cest romanz,
Ki l'escrit seit enfin joianz.1244
Amen.